اكيد ده مش حب

من طرف essraa allawy الأحد فبراير 28, 2010 12:41 am

سيرتك جت في بالي
وقعدت افكر فيك
وتهت شويه في حالي
واتاكدت اني بجد حبيت
لقيت نفسي من غير سابق ولا داعي
علي طول مشغوله بيك
لقيت قلبي لما بيسمع اسمك
بيكون هينط من جوايا
علشان يروح ليك
بس قلت لا
اكيد ده مش حب
وقلت لازم انسي
رجعت تاني افكر
ومن غير تفكير
لقتني بفكر فيك
حبيت معاك عذابي
وحبيت شوقي ليك
ورغم حيرتي في بعدك
تلاقيني علي طول بفكر فيك
رجعت وقعدت اكابر
واقول مش معقول
ده مش حب اكيد
اصل انا قبلك كنت كارهه الحب
ومكنتش ناويه اضيع في حد من جديد
لقتني غصب عني
برجع وافكر فيك
وكل ما تقرب مني
بحس بحبي ليك
واه
اه
لو بعدت عني
بموت من شوقي ليك
ساعتها بس اتاكدت
ان الحب مالوش وقت ومواعيد
وانك دخلت قلبي بجد
وبقيت علي مشاعري واحساسي
حارس امين
ربنا يخليك لقلبي
وميحرمش عيوني من نظره عنيك
لاني فعلا اتاكدت
اني بحبك
واني كمان
بمووووووووووووت فيك

يالا بقي قولولي
ايه رااايكو
في الكلام ده