استرجل واشرب بيريل !!!

من طرف **ahmed abd allah** الإثنين أكتوبر 26, 2009 5:56 pm

ذكر
أحمد أول مره شاهد هذا الاعلان لأول مره حيث كان مستلقيا على ظهره على
فراشه ممسكا بساندوتش ضخم محشو باللحوم أحضرته له والدته وبجواره زجاجة
بيريل . بدأ الاعلان وانتهى بصوت يقول :

أسترجل وأشرب بيريل .

التفت أحمد ونظر لزجاجة البيريل بجوراه ثم نظر مرة اخرى للتلفار وهو يحدث نفسه :

أحمد :

يعنى دى هى اللى هتجيب الشجاعه ! يمكن .

أطبق أكثر على السندوتش وقربه لفمه ليقضم منه ولكنه فزع وألقاه من يده عندما سمع صوت صرخات أخته الصغري شهد وهى تقول :

فار ...... فار ... الحقنى يا أحمد .

نهض أحمد من على الفراش وذهب الى الباب وقام باغلاقه بالمفتاح ثم تراجع
بضع خطوات للخلف لم يرى الى اى مدى قد أقترب من فراشه حتى وجد نفسه يجلس
عليه , وضع يده بفمه يعض على أظفاره وصوت صرخات شهد التى تخترق أذنيه
تزيده توترا وهلعا .

أحمد :

فار ... يا خرابي دانا بترعب منهم . اعمل ايه ؟

توقفت شهد عن الصراخ :

نهض أحمد عن الفراش وأقترب من الباب يسترق السمع .

أحمد :

هو الفار أكلها ولا ايه ؟

تعالت صرخات شهد مره أخرى ولكنها أصبحت أكثر حده .

شهد :

ألحقنى يا أحمد .. دا مش وقت جبن .. الفار هياكلنى .

نظر أحمد لزجاجة البيريل وقال :

أحمد :

ليه لأ ؛ نجرب .

التقط أحمد الزجاجه ووضعها بفمه ولم ينزلها الا وهى فارغه , وضعها جابنا
على الصينيه وتحرك ناحية الباب بعد أن أحس بالشجاعه تغزو جسده , بسط يديه
لفتح الباب , فتح بالمفتاح ثم أمسك بأكرته وعندما هم بفتحها سمع صوت شهد
تقول :

شهد :

ما تفتحش يا أحمد , الفار قدام الباب بتاعك .

أحمد بكل ثقه :

وايه يعنى هو أنا هخاف يعنى .

فتح أحمد الباب فوجد الفأر أمامه بمترين فأغلق الباب مسرعا .

أحمد :

ايه ده ... دا فار بجد . أعمل ايه بقي دلوقتى . وبعدين البتاعه دى ما عملتش حاجه .

سمع طرقا على الباب .

أحمد :

لا والله مؤدب ما فتحتش ليك الباب بتخبط عليه ؛ دا بعدك انى أفتحلك .

شهد :

افتح يا أحمد أنا شهد .

أحمد :

الفار فين ؟

شهد :

خرج بره .

أحمد :

ياسلام خرج .

شهد :

أه خرج ... يعنى لو ما كانش خرج كنت عرفت أجيلك .

أحمد :

أه فعلا عندك حق .

بسط يده وفتح الباب وهو يقول :

أحمد :

بس عارفه لو كن.ن.ن..ن .

وجد أحمد شهد باسطة يدها للأمام ووجد الفأر عليها فأصبح بينه وبين وجه أحمد مسافة الأصبع الواحد فاجتاحت علامات الذعر وجهه فصرخ .

أحمد :

آآآآآآآآآآآآآآآآآآآآآآآآه .

قفز أحمد للخلف فوجد نفسه واقفا على فراشه .

أحمد :

ان ... انتى از..ازاى ماسكاه ؟

شهد :

عادى .

أحمد :

عا... عادى أز...ازاى يعنى .

بدأت شهد تتقدم للأمام قليلا .

أحمد :

خليكي مكانك أوعى تتقدمى خطوه كمان .

شهد :

ما تخافش دا مش حقيقي حتى شوف .

ثم قذفت به لأحمد فوجده بيده ؛ نظر ليده غير مصدق بأنه بيده , انفتح فاه
على مصراعيه واتسعت عينيه وتصبب العرق من جبهته وبدأ وجهه يهتز :

أحمد :

آآآآآآآه .

ثم تركه من يديه فوقع أمام قدميه ؛ فقفز مرات عديده على الفراش ونزل عنه للجانب الآخر .

وقفت شهد تشاهد أخاها وهى تضحك كثيرا :

شهد :

ما تخا.ههه. خافش مش حقيق.ههه. ي ههههه .

أحمد :

لا يا شيخه عاوزانى أصدقك صح . دا بعدك .

شهد :

والله مش حقيقي حتى بصله كويس .

بدأ أحمد ينظر اليه وأمعن النظر به فوجده فعلا ليس حقيقيا .

أحمد :

آه تصدقى طلع مش حقيقي .. عارفه لو كان حقيقي كنت دبحته وعملتلك شوربة فيران .

شهد :

يعععع . منا عارفه انت هتقولى .

المهم كل سنه وانت طيب .

أحمد :

وانتى طيبه , بس على ايه وبعدين ده وقته !

شهد :

مش انت عيد ميلادك النهارده .

يضرب أحمد جبهته بيده اليمنى ويقول :

أه صحيح تصدقتى دا النهارده فعلا عيد ميلادى . بس كل سنه وانت طيب كده بس .

شهد :

كده بس ازاى يعنى ؟

أحمد :

يعنى ما فيش هديه كده ولا حاجه . يعنى تكونى غلطتى وجبتيلى حاجه .

شهد :

ماهى دى هديتك .

وهى تشير للفأر .

أحمد :

اللى هى ايه الفار .

هزت شهد رأسها دليلا على الموافقه .

أحمد :

جايبه لأخوكى فار هديه , فاكرانى قطه ولا ايه ؟

شهد :

لا يا حبيبي ما هو الفار ده العلبه والهديه جواه .

أحمد :

لا يا حبيبي الفار هو الهديه والعلبه جواه ........ أم م م م م م م م .

بدأ أحمد التحرك الى أخر الفراش من الجانب الملاصق للحائط حيث توجد عصا
بجواره , أشتمت شهد رائحة الخيانه من تحركات أحمد المريبه فبدأت هى الأخرى
تتحرك تجاه الباب .

شهد :

انت هتعمل ايه ؟

أحمد :

ايه ؟

شهد :

هتعمل ايه ؟

أحمد :

أنا .. لا أبدا ولا حاجه خالص ؛ كل ما هنالك انى همسك العصايه دى وهـــ ........

أمسك أحمد بالعصا وحاول أن يجرى وراءها و ضربها بها ولكنها كانت أسرع فى
ردة فعلها فخرجت مسرعه من الغرفه وأغلقت الباب وراءها فأصطدم أحمد بوجهه
بالباب .

أحمد :

أأأأأأأأأأأأه .

ماشي هوريكي بعدين . أأأأأه وهو يدعك أنفه بيده اليسرى .

التفت للخلف ناحية الفراش ونظر للعلبه الفأر , تقدم خطواتان , بسط يده وفى
مقدمتها العصا يهز بها الفأر لعله يكون حقيقيا ولكنه لم يتحرك فأدرك حينها
أنه ليس حقيقي , تقدم أكثر ووضع العصا جانبا على الفراش وأمسك بالعلبه
وبدأ يتفقدها مقلبا أياها بكل الاتجاهات , فتحها فوجد بداخلها ميداليه
تحمل أول حرف من اسمه ؛ فضحك أحمد قائلا :

أحمد :

آه دى طلعت هديه فعلا ما طلعتش فار , أنا مش لازم أصدق الاعلانات تانى .