الامانة وصاحب المحل

السلام عليكم



مره واحد حط أمانه عند صاحب محل في السوق وقال احفظ هذي الأمانه لين أرجع من السفر ,
وبعد سنة رجع للسوق وراح لمحل ثاني غير اللي حط عنده الأمانه , وقاله رد لي الأمانه
قال البايع : وش هي الأمانه , قاله كيس فيه 100 درهم .

قام البايع وطلع له كيس فيه 100 درهم واعطاه اياه
( مع العلم ان البايع ما اخذ منه الامانه ولكن صاحب الامانه نسي المحل )

وبعد ما طلع صاحب الأمانه من المحل مر على المحل اللي حط عنده الأمانه وتذكر
وقام طلب من صاحب المحل الامانه وردها له .

ثم رجع لصاحب المحل الأول واعتذر منه وقاله انه نسي وتشابهة عليه المحلات
ولكنه سأل : طالما انا ما اعطيتك شي ليه تعطيني 100 درهم وبكل سهولة !!
قال البايع : انا هنا في السوق وراس مالي أمانتي ولو سمع الناس اني رفضت أعطيك الأمانة راح أخسر ثقة الناس فيني , وانا اشتريت سمعتي ب 100 درهم .