هل لك الحق تفتيش تليفون اختك

حبيب نيس توبيك

موضوع هايل ومهم كمان

انا يا حبيب كان ليا اخوات بنات بس هما اتجوزوا وانا صغير
بس لو ليا اخت صغيره معايا دلوقتى اكيد مش هعمل حاجه زى دى معاها
لان لازم يكون فى ثقه بين الاخوات
وحتى لو شكيت فيها مش ينفع اعمل كده لانه مش حل
بالعكس كده هتخلق مسافة كبيرة جدا بينك وبين اختك او مراتك
على العموم ربنا ما يدخل شك ابدا بين الاخوات والازواج

thank you

شكر يا عبدالله انت والسيد على الرد
وانا مؤيد لكل الكلام ده
بس فيه ناس معارضاه وهتشوفوا الردود بعد كده
شكراااااااااااااااااا

انا ملياش اخوات بنات
بس لازم تكون واثق فى اخلاق اختك
اذا ما كنتش تثق فى اختك مين اللى هيثق فيها
وايضا زوجتك لازم تختارها صح
وتكون واثق فيها جدا
شكرا على الموضوع

قشطه يا نجار

هل يحق للشاب تفتيش جوال اخته ؟
طبعا لا


هل نقول على من يفعل هذا الشي مريض او عديم الثقه؟ ام ماذا؟؟
طبعا عديم الثقه وهو شخص مريض ايضا وهو اكيد بيعمل حاجات غلط علشان كده هو بيشك في اي حد لانه بيحسب الناس كلها زيه

: للشباب في المستقبل هل ستفعل هذا مع زوجتك ؟؟ و هل تأيد هذا الفعل ؟؟؟
لا لن افعل هذا لان لكل واحد خصوصياته واكيد لو هوه شك في حاجه ممكن يسالها

تقبل مروري

اخيرا السيد قاااااااااااااااااااال حاجه صح
بعيد عن الهزار
شكراااااااااااااااااااااااااااااااااا
ياااااااااااااااااااااااااااااااا
سيكااااااااااااااااااااااااااااا

اكيد لن اوافق ان اخى يفتش فى موبايلى ولن اسمح لنفسى ان افعل ذلك معه
كما لن اوافق ان زوجى يفعل الشىء نفسه لان الزواج المبنى على عدم الثقة هيكون فاشل

كلام زى الفل يا ايمان

صراحه موضوع جميل جدا وانا اتفق مع كلام سيكا وايمان وشكرا يا محمد علي الموضوع الجميل ده

التوبيك جميل جدا جدا وصريح قوى ,وكمان الردود جميلة جداواجمل ما فيها ان يكون موجود ثقة متبادلة بين الاخوات وايضا الازواج وعلى الرغم من انى مااحبش ان الموقف ده يحصل معايا ولكنه لو حصل لازم اتقبله وخصوصا لو مع اخويه اللى اكبر منى لانى هكون متأكدة انه بيعمل كدة لانه خايف عليا بس مش علشان اى حاجة تانية وطول ما اناواثقة انى مبعملش حاجة اخاف ان اخوية يشوفها يبقى اكيد الموضوع ده مش هاقف عنده قوى

ميرسى يا كليوباترا على ردك اللى انتى ايدتى فيه السيد وايمان ومعظم الردود
وشكرا يا سنو وايت على مرورك اللى شرف الموضوع ونوره
باول اختلاف عن الجميع
وانا متفق معكى
علشان البنت واثقه من نفسها
خلاص متخافش من حاجه
والاختلاف فى الراى لا يفسد للوز قضيه

فعلا الاختلاف فى الرأى لا يفسد للود قضية
بس مش بالضرورة انه يكون الاخ خايف على اخته علشان يعمل كدة من الممكن ان يكون مجرد
حب استطلاع او فضول ومدام مفيش سبب واقعى يبرر هذا العمل ,اذا فهو مرفوض

شكرا يا ايمى
بس اولا مفيش اخ مبيخافش على اخته
والا مش يبقى اخوها
بس كلمه حب استطلاع
انا مش شايف فيها اى حاجه خالص لانه برده خايف عليها
وعايزها تبقى احسن بنت فى الدنيا
وانا بحترم رايك تماما
وشكرا للمرة التانيه

موضوع جميل ومهم
المفروض تكون ثقه اخي اوزوجي كبيره ويكون عارف ان لكل واحد حاجات خاصه بيه
الواحد لازم يعرف زوجه كل شئ بس ممكن الموبايل يكون عليه حاجه خاصه باصحابي مينفعش يعرفها وهولازم يقدر كده
انا اخويا لسه صغير ومعرفش لو كان كبير كان ممكن يعمل ايه
بس اصحابي اللي عندهم اخوات اكبر منهم بيقولو ان بعضهم بيعمل كده
اما اصحابي المتجوزين جوزهم برده بيعمل كده بس ده مش من عدم الثقه
دا من حب الاستطلاع والاحاس انه يملك اي شئ سواء بتاعه او بتاع مراته او بتاع اخته

شكرا يا حنان
على وجهة نظرك المحترمه
والتى تفرض احترامها على الجميع
بس انتى قولتى ان فين ناس بيعملوا كده
ليه

حب استطلاع
دول معلشى
مجانين