من كان جرىء فليجيب

من أنت ؟ و ما لذي تفعله هنا ؟
إنسانة مسلمة مصرية منتهى البساطة- هنا بمثل شخصى ومجالى ومهنتى هنا بلاقى اصحابى اللى بحب اكون معاهم هنا بقدر اعبر عن رأى وبحرية هنا المكان اللى اخترت ادخله بارادتى واكون فيه

*لو ظهر في داركم بئر نفط هل ستخبر الدولة أم لا؟

هخبر الدولة لان دى امانة وهم حرين فيها هم اللى هيتحاسبوا
*لو قدر لك أن تدخل السجن فما هي القضية التي تتمنى ان تدخل بها إليه ؟

ادخله وانا بدافع عن دينى وعن الحق وانصر المظلوم

*أنت مكلف بحذف حرفين من حروف اللغة العربية .. أيهما ستختار ولماذا ؟

هحذف حرفين منقدرشى نعيش من غيرهم ومن غيرهم الحياة وحشة اوى بس على الاقل هعمل عليهم خط حظر الحرفين(ح-ب)
*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟

القنبلة اليدوية هتكون فى قلب الظلم والظالمين

الوردة الحمراء لكل الناس المخلصين اللى مبيعرفوش غير الصدق بس فى كل شئ

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟
الكتابة دى امتع شئ فى الحياة لانها بتعبر عن الذات عن اللى جواك وعن شخصك انا بحب لما اكون زعلانة اوى اكتب ولما اكون فرحانة اوى بحس ان دول اصدقائى اللى بجد


*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟
هيقرأ فى بدايتها اشهد ان لا اله الا الله وان محمد رسول الله
كلمة تمحى ظلم كل الظالمين والطغى
هيقرأ تاريخ العرب اللى هم نسيوه او بيحاولوا يمحوه
هيشوف صورة لجرح فلسطينى بينزف ومفيش اللى يدويه وطفل ماسك حجارة وبدل ما تروح لعدو بتنزل عليه
*كيف تتخيل العالم دون هذه الأشياء ( الشاي الكمبيوتر أمريكا يوم الجمعة) ؟!!
الشاى نقدر نستغنى عنه ببساطة
الكمبيوتر كنا عايشين من غيره والحياة ماشية طبيعى
امريكا طيب مين هيظلمنا ويموتنا ويتحكم فينا ينفع يعنى
يوم الجمعة منقدرشى نتخيل العالم نمن غيره كده الاسبوع هيوقف عند الخميس والايام مش هتمر العالم هيتوقف
واللى هو يوم القيامة ان شاء الله
*اختر منصبا واتخذ قرارا ! ؟
مبحبش المناصب الا لو كنت هقدر اقوم بكل مهامها بامانة
ولو اتخذت منصب هيكون ملكة فى قلب حبيبى وجوزى لان دى هتكون مملكتى انا بس واول قرار هاخده اقوله اتقى الله فيه ومتظلمنيش واوعى فى يوم تيجى عليه
*عاد المتنبي وقصدك لتبحث له عن عمل ماذا ستقترح عليه ؟
هقوله مش هتلاقى افضل من العمل اللى انت بتحبه واختارته لنفسك وانت القاضى على نفسك
*يقولون أن أنظمتنا العربية متسلطة على شعوبها .. لكي تنشأ جيلا صبورا أمام
المحن
ما تقول أنت ؟

حسبنا الله ونعم الوكيل ان لله وان اليه راجعون
*لو كنت مرشدا سياحيا فى صحراء الربع الخالي من ستصطحب معك وتضيعه هناك ولماذا ؟
عمرى ما هكون مرشده سياحية
*أختر خمسة أعضاء من المنتدى وامنحهم ألقابا ؟
مقدرشى اختار خمسة بس لان كل الناس اصحابى واخواتى
*وجه رسالة لشخص لا يعرفه إلا أنت ؟
هو الشخص ده يعرفوا كتير هقوله انت لازم تحس باللى انا فيه دلوقتى وبمر بيه ولو محستشى دلوقتى اكيد هتحسه بعدين بس بعدين هيكون الوقت مر وانتهى وياعالم هنكون وقتها ازاى
ما هو النسيان؟
احنا بشر وبننسى لكن النسيان ده اصعب شئ

ولو هتكلم عن نفسى مستحيل اعرف انسى اى شئ وحتى لو كان صعب بحاول ديما افتكره عشان اتعلم منه


ايمى بشكرك بجد ومش عارفه ليه جاوبت

بس يارب مكونشى ضيفه تقيلة عليكى

ويالا اقولك صباح الخير

من انت وما الذى تفعله هنا؟
انا طالبه في كليه التمريض بالاسماعيليه وده منتدي الكليه فطبيعي جدا اني اكون موجوده هنا
لو ظهر في بيتكم بئر نفط هل ستخبر الدوله؟
والله مش عارفه بس لما الاقي البئر ده يبقي ربنا يسهل
لو قدر لك انك تدخل السجن فما القضيه التي تتمني ان تدخل بها؟
ربنا يكفينا الشر يارب بس ممكن لو انا كنت بدافع عن وطني او ديني او شرفي او مهنتي[
انت مكلف بحذف حرفين من اللغه العربيه ايهما ولماذا ؟
اولا مين انا عشان احذف حرفين من اللغه العربيه دي لغه رسولنا الكريم ولغه قراننا ومينفعش حرف يحل مكان حرف تاني لان الحرف كلها مختلفه
في يدك قنبله يدويه وفي الاخري ورده حمراء اين ستضع القنبله واين ستضع الورود؟
القنبله هفجرها في جندي اسرائيلي اما الورده الحمرا فدي لانسان عزيز عليا جدا وغير فيا حاجات كتير وبجد ربنا يخليهولي وميحرمنيش منه ابدا
يقال ان الكتابه محاوله للطيران بطائره ورقيه مجرد احلام في الهواء ما رايك انت ؟
عمر الكتابه ما كانت احلام في الهوا لانها حتي لو كانت حاجات بنكتبها ومبتتحققش فده اقل حاجه اننا بنستريح لما بنكتب اللي في نفسنا ولو احنا عاوزين نعمل حاجه بنعملها
علي افتراض ان كائنا اتي من المريخ وقرا صحيفه كيف سيعرف انها صحفيه عربيه؟
هيعرفها من اللغه العربيه اللي هيا رمز العروبه
كيف تتخيل العالم من دون هذه الاشياء الشاي الكمبيوتر امريكا يوم الجمعه؟
الشاي ممكن استغني عنه
الكمبيوتر الحياه من غيره هتبقي صعبه اوي بالنسبه لي لانه بقي معايا 24 ساعه وفي كل مكان
اما امريكا لو راحت مين اللي هيقوي اسرائيل علينا
ولا مين اللي هيحتل الدول المستضعفه
ولا مين اللي هيحرك العالم علي مزاجه
مقدرش اتخيل الحياه من غير يوم الجمعه الا لو مت بس لان يوم الجمعه ده فيه صلاه الجمعه اللي هيا اكبر علامه من علامات الاسلام ده حتي الشخص اللي هو مبيصليش اصلا بيتكسف علي دمه وبيروح يصلي يوم الجمعه
اختر منصبا واتخذ قرارا؟
[color=red]وزيره الصحه
واول حاجه هعمله هلغي مدارس ومعاهد التمريض والتمريض في رمصر كله يبقي بكالوريوس
يقال ان انظمتنا العربيه متسلطه علي شعوبها لكي تنشئ جيلا صبورا امام المحن؟
العربي طول عمره قوي مهما كانت الظروف
بس للاسف الظلم والتسلط عمره ما بيخرج غير شخصيه اما ضعيفه او متمرده
عاد المتنبي وطلب منك ان تحصل له علي وظيفه ماذا تختار؟
بما ان الشعر مش جايب همه في زمنا ده فانا هشغله في وزاره البترول
اذا كنت مرشدا سياحيا في الصحراء من ستاخذم معك الي الربع الخالي وتضيعه هناك؟
اولا ممنوع اصلا التواجد في الربع الخالي
ثانيا مهما حد ظلمني واذاني عمري ما هعمل فيه حاجه وحشه
وجه رساله لشخص لا يعرفه الا انت
بجد كل كلام الدنيا قليل عليك بس بجد ربنا يخليك ليا لاني عمري ما هلاقي زيك في حياتي
اختر خمسه اعضاء في النتدي وامنحهم القاب؟
احرجتيني بصراحه يا ايمي مش عارفه اقول مين واسيب مين
ما هو النسيان؟
هو الدواء الذي اثبتت فعاليته ونتائجه علي كل البشر وفي كل العصور وليس له
اي اثار جانبيه
ايمان بجد شكرا ليكي والله توبيك هايل تسلم ايدك يا روح قلبي

اشكرك يا غنيم على المرور
وهذه الاسئلة نتخيل اجابتهاالان بس اكيد الاجابة هتختلف لو كنا فى الموقف ذاته
وليس معنى اننا نجاوبها اننا شعب يحب الكلام

على المرور (half moon) اشكرك جدا

موضوع راااااااااااااااااااااااااااائع
وجديد
والاسئله نفسها جديده ومتميزه

Thank You Ya Mohamed

اسمى ريمون .
وبحاول اتعرف على الناس من كتاباتهم
اما باقى الاسئلة فلا اجد لها اجابه استطيع كتابتها
واكون مقتنعه بيها

وانتى دائما منورانا يا ريمون واشكرك على مرورك

موضوع جديد ومتميز يا امي
وربنا يوفقك