من هو أســـــــــــــــــامة منيــــــــــــــــــــــــر ؟؟؟؟

من طرف M . Abdallah السبت نوفمبر 22, 2008 1:11 pm

في البداية من هو أسامة منير؟

- انسان عادي جدا تخرجت في كلية الآداب جامعة عين شمس قسم اجتماع، احب الغناء منذ
الطفولة خاصة الغناء الغربي الذي تميزت به في بداياتي ثم انقطعت عنه لحين الانتهاء من

الدراسة وبعدها سافرت لاستراليا وعملت كنائب مدير في مركز البحوث الامريكي ثم عملت فترة

طويلة في مجال الاعلانات مما اكسبني خبرة جيدة لكي اصبح مذيعا، واول عمل قمت به اغنية

«بحبك ما تقوليش بعدين» التي غناها راغب علامة بعد ذلك اغنية «عارف» ثم اغنية

«وهاغنيلك» وتوالت اعمالي الفنية وحاليا اعد مجموعة جديدة من الاغاني ولكن سبب تأخيري

هو الاختيار الدقيق.

٭ اسمك اشهر من صورتك ألا يضايقك ذلك؟
-
بالعكس هناك أناس كثيرون يعرفون شكلي بعد نشر صورتي في أكثر من مطبوعة صحفية ب

الإضافة إلى أنني ظهرت على شاشة التليفزيون مؤخرا بعد اختياري كواحد من حملة الشعلة

الأولمبية أثناء مرورها في مصر بالإضافة إلى أنني لم أكن أريد أن أفاجئ الناس بصورتي مرة

واحدة ، الأول الاسم والصوت وبعد ذلك خطوة.. خطوة سوف يتعرف الناس على شكلي.

٭ وهل ستنتقل بعدها من الوقوف خلف الميكروفون إلى الظهور على شاشة التليفزيون كمذيع؟

- جاءتني عروض عديدة لتقديم برامج تليفزيونية ولكنني لا أريد أن أكرر أفكار البرامج وأبحث

دائما عن الشكل الجديد وحتى تأتي الفكرة التي تحقق طموحي في التقديم التليفزيوني

سأكتفى بالغناء والعمل بالإذاعة.

٭ وما السبب وراء تأخر صدور ألبومك الأول؟

- لا يوجد معي منتج وعندما أدخر بعض الأموال أسجل أغنية وهكذا فأنا مجرد موظف وانتهيت

مؤخراً من تسجيل أربع أغنيات جديدة وهناك أغنيتان شهيرتان سمعهما الجمهور الأولى بعنوان

« عارف » والثانية بعنوان « هاغنيلك ».

٭ وهل تحمل كلمات أغنياتك الجديدة توقيعك كمؤلف وملحن؟

- الأغنيات خليط بين المواهب الجديدة في مجال التأليف ومجال التلحين والمحترفين وقد

حاولت في كل أغنية الجمع بين شاعر جديد وملحن محترف وبين شاعر محترف وملحن جديد.

٭ ما الذي يميزك كمطرب عن الأصوات الموجودة على الساحة؟

- لا أملك الحق في أن أقول ما يميزني ولكن الجمهور هو الجهة الشرعية والوحيدة التي تملك

ذلك ولكني كمطرب أبحث عن أشياء أحبها وأشعر بها وأغنيها بقلبي ولن أنساق وراء مقولة

السوق عاوز كده فأنا أغني من أجل إشباع هوايتي وما أريد أن أعبر عنه للناس.

٭ وهل سيستفيد المطرب أسامة منير من شهرة المذيع؟

- بالتأكيد ولا يمكن أن أنكر ذلك فالناس أحبت شخصية المذيع ولم تحب البرنامج وفتحت قلوبها

للمذيع أكثر من أي شيء آخر وأتمنى أن تكون لشهرة المذيع نصيب في نجاح المطرب.

٭ نجحت كمذيع وتجهز حالياً لألبومك الأول فماذا عن التمثيل؟

- التمثيل خطوة قادمة بإذن الله لكنها يجب أن تكون من خلال ورق جيد وعمل محترم فنياً.

٭ هل تؤمن بالحظ وما هو برجك؟

- أنا أؤمن بإرادة الله فهي التي تجلب الخير أما عن برجي فهو الحوت.

٭ «أنا والنجوم وهواك» ماذا يعني عند أسامة منير؟

- هذا الاسم اختيار احمد فهمي وكلمة أنا تعني أسامة منير والنجوم تعني نجوم F.m وهواك

تعني الحب.

٭ وماذا عن الحب بالنسبة لك؟

- أنا مثل باقي البشر أحب وأعشق بجنون وأنا في بداياتي مررت بجميع أنواع الحب وعشت

الحب من طرف واحد والحب العذري وكثير من المشاكل التي مرت تطرح بالبرنامج تعرضت لها

مثل أي إنسان ولكني خرجت من تلك التجارب بخبرة.

٭ هناك اتهام لبرنامجك على محطة نجوم « Fm » بأنه تكرار لفكرة برنامج «اعترافات ليلية»؟

- لا يوجد وجه شبه بينهما بالمرة فبرنامج اعترافات ليلية يستقبل مكالمات ناس عندها ضغوط

نفسية وتريد أن تعترف بها سواء كانت اقتصادية أو عاطفية في المقابل برنامجي يناقش في كل

حلقاته موضوعاً خاصاً بالحب مثل الخيانة أو العطف أو التضحية في الحب وضيوفي ناس لديها

مشاكل عاطفية وفقط ونبحث معاً عن حلول لتلك المشكلة.

٭ وما ردك على الهجوم على البرنامج بشأن أنه برنامج للمراهقين؟

- أولا البرنامج يوجه رسالة للجميع الحب لا يرتبط بسن معينة وليس مرتبطا بفئة عمرية معينة

بدليل أن هناك الكثير من الآباء والأمهات استقبل منهم ايميلات واتصالات على الهواء.

٭ ماذا عن المواقف الصعبة والطريفة التي واجهتك على الهواء؟

- من أصعب المواقف في احدي الحلقات اصابتني نوبة شديدة من السعال «الكحة» ولم أقدر أن

أواجه الموقف وعن اطرفها احدى المستمعات اثناء اتصال هاتفي جاءتها كريزة من الضحك ولم

استطع ايقافها.

٭ ما هي الرسالة التي يقدمها البرنامج وماذا عن اساليب التطور؟

- البرنامج يدعو الى الحب اما عن اساليب التطور فنحن ندرس حاليا زيادة عدد الحلقات وتغيير

مواعيده ونحاول تسهيل عملية الاتصال بنا اثناء الحلقة.

.................................................. .................................................. .....................

وادي موضوع ظريف تاني عن اسامة منيراولا السلام عليكم ..

ونخش فى الموضوع على طول ...

واسامه منير
بيقولك :

انا والنجوم وهواك برنامج عن الحب وللحب
تيراررا تيرررا

مساء الرومانسيه و المهلبيه علي عيون احلي صبيه برنامجنا انا والنجوم وهواك عن الحب وللحب

معاكم اسامه منير من ندوم اف ان ومعاكم حاتم فهمي رسمي نظمي
حلقتنا النهارده عن الصراحه في الحب

وما تنسوش اميلاتنا علي الياهوو والهوت واحده: موش تكلمني @ هوت برجر . كوم
في انتظار تليفوناتكم علي 4444444

واسيبكم دلوقتي مع الاغنيه الرومانسيه عاش الجيل الفاشل
عاش الجيل الفاشل يوم ما حمل الشيشه سلاح وكتاب وبنقولهله وقوله قويه من الكافيتيرا للكليه ..............

ودلوقتي معانا تليفون :
الوووووووووووووووووووو

- ايوه يا سمسم بحبك بحبك بحبك وحياه جوز خالتي بحبك

اسامه فى سره بيقول " الله صوتها حلو اوى " ): طب ممكن اعرف
مين معايا

- معاك نوجه من هناك

اسامه : اهلا يا نوجه وازي كل اللي هناك

نوجا : كويسين الحمد لله بيسلموا عليك

اسامه : حلقتنا النهارده يا نوجا عن الحب والصراحه في الحب

نوجا : موضوع مهم جدا يا سمسم يخرب عقلك يا مجرم انت دايما بتتحفنا كدا يا مان

اسامه : ها ها ها ها دمك خفيف يا مضروبه

نوجا : بصراحه يا سمسم انا متحطمه

اسامه : ليه يا نوجا معاش ولا كان يا جميل قوليلي بس ايه اللي حصل

نوجا : كنت بحبه بس الخاين الغشاش كدب عليا كدبه ماحدش يستحملها ..

اسامه : يالهوى .. قلقتينى عليكى يا نوجا ..عمل ايه الوحش ده كته وكسه ..

نوجا : كدب عليا وخبى عليا ان موبايله كارت مش خط ..

اسامه : الندل الجبان دى خيانه ..
ازاى قدرتى تستحملى الخيانه دى .. ياقلبك .

اسامه : اخص هو الدنيا جري فيها ايه يا جدعان معدش فيها صراحه ليه يا جدعان يا ساتر معلش يا نوجا نفضيله وبكره هتلاقي سيد سيده

نوجا : انت شايف كدا يا سمسم
اسامه : طبعا ودا صوت الرومانسيه لازم ننفض

نوجا : ميرسي يا سمسم , مش عارفه من غيرك كنت ههبب ايه يا روحى الهى يسعدك ..

اسامه : ابقي سيبي رقم موبايلك في الكنترول روم ممكن ابقي اكلمك بعدين

نوجا : دا حلم حياتي يا سمسم ميرسي يا مان (امووووووه )

اسامه : العفو يا نوجا دا واجب كل مصري شريف

وزي ما سمعنا من الاخت نوجا عن ماساتها نسمع الاغينه الرومانسيه دي : ياختي عليها ياختي عليها جت رجليها ما جت رجليها

اسامه : مش عارف يا جماعه بجد ايه الحكايه ايميلات بالعبيط بجد مش

عارف اقرا لمين ولا مين اقولكم مش ها اقري لحد خالص علشان محدش يزعل مننا

ترررن ترررن
ومعانا تليفون

اسامه : الوووووووووووووووو

- الوح مش دي عياده الدكتور خلف مخلوف دكتور امراض النسا

اسامه : لا يا فندم الرقم غلط

- طب وانت مين يا ضنايا

اسامه : احم احم انا اسامه منير ملك الرومانسيه

- ربنا يشفي ودا عندك من زمان ولا ايه

اسامه : الظاهر ان الخط قطع

اسيبكم مع الاغنيه دي .........

اسامه : اوف بقي يا جماعه مينفعش كدا ابقوا اعرفوا مين بيتصل الاول ,,, اوف الراجل دا بلدي قوي

المخرج : معلش يا اسامه دي غلطه في السويتش

اسامه : خلاص يا مان بس متكررهاش

المخرج : اوك يا سمسم

ترررن تررررن

اسامه : الو

- ازيك يا اسامه

اسامه يا ساتر دة صوت راجل ) ممكن اعرف مين معايا

- انا احمد خطيب نوجا اللي لسه مكلماك

اسامه : احمد باشا حبيب قلبي كنت لسه جيب سيرتك بالخير يا زعيم مع نوجا

احمد : انا سمعت الحوار يا سم سم وايه اللي انت بتقوله دا

اسامه : انت فهمتني غلط انا كنت بهدي النفوس

احمد : تهدي انفوس تقوم تقولها تنفضلي

اسامه : اهو دا اللي كنت خايف منه انك تفهمني غلط لا يا مان انا كنت
باخدها علي قد عقلها

احمد : تاخدها علي قد عقلها وتقولها تسيب رقم الموبايل

اسامه : دي مسكينه ومحتاجه حد يقف معاها

احمد : ياه علي الرجوله انا ظلمتك يا سمسم انا اسف جدا ( اخص عليا وعلى سؤ ظنى )

اسامه : مفيش داعي للاسف يا احمد انا هنا علشانكم
تحب تسمع اغنيه معينه

احمد : احب اسمع اغنيه ست الحبايب يا حنينه انتي

اسامه : ودلوقتي مع اغنيه ست الحناين يا حبيبه انتي

للاسف الوقت عدي بسرعه يا حبايبي اشوفكم المره الجايه
مع تحياتي

اسامه منير انا والنجوم وهواك

الموضوع ليس تريقه ولكن علي سبيل الدعابة

مـــــــــــــــــــــــــــــــــــــــــــــــــ ـــــــــــــــــــــــــــــــ تحياتي ـــــــــــــــــــــــــــــــــــــــــــــع