دمعة.............

من طرف محمد حبيب الأربعاء ديسمبر 09, 2009 7:50 pm

دمعة نازلة من عنيها رجت كيانى
خلتنى احطم كل قراراتى وانده عليها
اسالها اية اللى حصل
لية الدموع
عنيها كان جواها شىء يكوى الضلوع
من غير جواب مسحت دموعها
قالت مفيش
قلتلها ممكن اى شىء مات وانتهى
يرجع يعيش
قوليلى اية سبب الدموع ومتنكريش
قالت دموعى ع اللى خانوا الزكريات
على ناس بتسخر م الهوى
على حب بين العاشقين عاش وارتوى
وبامرهم انهار ومات
سالتنى ومن عنيها دمعة قدرت ع الهروب
فين القلوب
فين انتفاضة العاشقين ساعة الغروب
وقفت حاير واتسرق منى الكلام
اتلخبطت فيا المشاعر
وانتهينا بالسلام
لكن رجعت البيت افكر فى الى كان
ليه كان كلامها وكانه ليا
ليه بان فعينها الى فى عنيا
ليه كل كلمه خارجة منها تهز فيا
وكان انا سبب الدموع
ساعتها شىء عاد للرجوع وكان شىء مسجون فى قلبى
حطم الاسوار وطار بين مشاعرى قدام عنيا من غير ستار
ابتكرت قرار غريب
ارجع لها واققول لها
انا الحبيب
انا انتفاضة العاشقين ساعة المغيب
انا الحنين
انا الى مكتوب ع الجبين