بحبك .. مش هقول تاني

من طرف **ahmed abd allah** الجمعة ديسمبر 25, 2009 9:11 pm

بحبك ... مش هقول تاني

كل واحد فينا عنده حب في حياته

عنده حبيب بيشوف صورته في خياله كل يوم قبل ما ينام

وبنحلم باليوم اللي نصارحه فيه بحبنا

وبنستني اللحظة اللي نقول فيها

بحبك

او اللحظة اللي نسمع فيها كلمة

بحبك

كل واحد فينا بيتمني يعيش اللحظة دي وبيتمني يوقفها علشان متعديش زي اي لحظة تانية

عارفين لما عيونكوا مبتبقاش شايفة غير شخص واحد من بين الف شخص

ومنتاش سامع غير صوت واحد من بين الف صوت

وقلبك ممكن يقف لو حصل حاجة لشخص معين

هو ده الشخص اللي بنقوله او نسمع منه كلمة "بحبك

من حق كل واحد فينا يعيش اجمل شعور في الدنيا

شعور انك مرغوب فيك

شعور ان في حد حياته واقفة عليك ومش هتمشي غير بيك

شعور ان في حد نايم بيحلم بيك وبيصحي يفكر فيك

طيب حد هيقولي الكلام اللي فات ده كله ليه ؟؟؟

انا عايز اقول ان في الاف العلاقات واقفة علي الكلمة دي

الولد مش قادر يقولها للبنت

والبنت مستنية ان الولد يتكلم

ويفضلوا علي الوضع ده سنين

سنين بتضيع من عمرهم علشان خايفين يصارحوا بعض

الموضوع مش محتاج غير انك تفكر دقيقة وتقول لنفسك

انا هخسر ايه

لو وافقت يبقي انا كسبتها

لو رفضت يبقي انا فوقت من الوهم اللي كنت عايش فيه

لو وافقت هرتبط بيها واكمل حياتي معاها نعيش شبابنا مع بعض وهنعجز برضو مع بعض

لو رفضت هشوف حد تاني يستاهل مشاعري ونيتي الصافية

لو وافقت هعيش معاها احلي ايامي وهتقف جنبي في اصعبها

لو رفضت هدعيلها تلاقي اللي يسعدها ويحققلها احلامها

اللي بيحب حد لازم يقول

بحبك

انا مش هقول تاني

معلش طولت عليكوا

تحياتي للجميع

من طرف essraa allawy الجمعة ديسمبر 25, 2009 9:25 pm

تسلم ايدك يا نجم موضوع رائع
بس احنا ممكن نضحي بالحب ده عشان حاجات اهم بكتير

من طرف loza الجمعة ديسمبر 25, 2009 10:52 pm

توبيك هايل يا احمد

ويا جماعة مضيعوش لحظة ما دمتوا تقدروا تعيشوا صح اللى بيحب يتجرأ ويقول بحبك ويشوف رد فعل الطرف التانى

يا اسراء اللى بيحب بيضحى عشان الحب مش بيضحى بالحب

اللى بيحب بجد يا اسراء بيدى مش بيستنى ياخد

مبيقدرشى يجرح حبيبه مبيكونشى انانى ابدا هو ده الحب يا صديقتى

اوعوا يا جماعة تسمعوا لاسراء وتقولوا ممكن نضحى بالحب عشان اى حاجة
اللى يعمل كده ميكونشى جرب الحب ومستحيل يعرف يحب غير نفسه

من طرف fighter the clever pilot السبت ديسمبر 26, 2009 11:16 pm

كلام جميل واراء صائبة ولكن يجب ان ينظر كل منا كيف يطبق هذا الكلام على نفسة قبل النطق بة لان التطبيق هو الذى يوضح كيف تكون حقيقة ما يقال ربما الحب يتفاوت بين القلوب وتتفاوت فى فهمة الاذهان ودايما كلام لوزة جامد وتعليقاتها صارمة لباقة فى القول وشموخ فى الاداء ربنا يهدينا جميعا بس يا جماعة اهم حاجة الحب شىء جميل بصراحة شىء يعجز اللسان عن توضيحة او وصفة انة متعة روحية وشوق واشتياق وسوال والمام واحتضان من الاخر الحب اسمى ما فى الوجود اذا صدقا القلبين واتحدى على صدقة

من طرف elmagic الثلاثاء ديسمبر 29, 2009 7:22 pm

تشكر ياادمن عالموضوع الجامد ده

من طرف mr 7oda الثلاثاء ديسمبر 29, 2009 9:37 pm

بحبك مش هقول تانى.......وعيزك وانت عيزانى
موضوع رائع يا احمد
ويارات كلو يعمل كده ما يضيع وقته على الفاضى

من طرف sayed ezat الثلاثاء ديسمبر 29, 2009 10:52 pm

احمد بجد هايل جدا
بجد كلام كتير حلو
بس المهم اللى يقدر يفهم ويقدر
كلمه حب
يا احمد اشكرك اوى على هذا التوبيك الاكثر من رائع

من طرف Moza Alaa الأربعاء ديسمبر 30, 2009 7:51 pm

سأظل احبك وان طال انتظارى فأن لم تكن قدرى فقد كنت اختيارى

التوبيك بجد جاااااااااااااااااااااااااااامد جدا يا برنس الليالى

تسلم إيدك يا مان

بجد من كل قلبى عبارة جامدة جدا

بحبك مش هقول تانى

من طرف محمد حبيب الأربعاء ديسمبر 30, 2009 9:00 pm

فعلا والله الموضوع جميل وكلماته معبره
لان معظم اللى مكتوب انا عشته قبل كده وتستغرب اقولك فضلت 4 سنين وهيا مستنيا انى اقولها الكلمه دى
لعند ما كانت عايزة تقولى حرام عليك قولها بقى وارحمنى بس على مين يا عم كبر ومش قولتها
هوه انا فاضى للكلام الهايف ده
بس الحمد لله ان انا مش قولتها لانى اعرفت ان ده مكانش حب ده كان لعب عيال
بس دلوقتى لاول مرة اعرف يعنى ايه حب
وبرضوه مش عارف اقولها وشكلها هتتعب منى ودى ربنا يستر معاها لانها ممكن تشعنى ورا الشمس
قولى اعمل ايه يا ملك الرومانسيه
وافضل اقول دايما
بحبك مش اقول تانى

بحبك .. مش هقول تاني

بحبك .. مش هقول تاني

رد: بحبك .. مش هقول تاني

رد: بحبك .. مش هقول تاني

رد: بحبك .. مش هقول تاني

رد: بحبك .. مش هقول تاني

رد: بحبك .. مش هقول تاني

رد: بحبك .. مش هقول تاني

رد: بحبك .. مش هقول تاني

رد: بحبك .. مش هقول تاني