مواقف محرجة للبنات بس

من طرف manar mohsen الأربعاء مارس 03, 2010 6:50 pm

الموقف الاول: مروحه بالليل ....ولسه داخله على بوابة العماره..فجأه النور
ينقطع عن كل المنطقه..لدرجة انك مش شايفه حتى ايديكى...شعورك ح يكون ايه
..وح تعملى ايه بأمانه..خاصة ان فيه قطه غلسه ومفترسه وبيئه خالص ..دايما
تقابليها وانتى طالعه على السلم

الموقف التانى:ماشيه فى الشارع
..لا بيكى ولا عليكى... وبتبصى من بعيد لاقيتى ناس بيشاوروا عليكى..
ومعاهم خير اللهم اجعله خير..قميص ابيض فى ابيض.. بكمام طويله.. وبيصرخوا
ويقولوا ..((بلحه أهى..بلحه أهى ..امسك يا جدع انت وهو..دى لسه هربانه من
المستشفى حالا)) شعورك ح يكون ايه.. وح تعملى ايه.. خصوصا انهم لسه بعيد
عنك.. وعندك فرصه تهربى.. والا انتى ح تقفى وتعملى فيها السبع بنات
وتفهيمهم انك مش ((بلحه)) المطلوب ضبطها واحضارها

الموقف
التالت:رايحه فرح واحده صاحبتك.. ولابسه بقى اللى على الحبل..ولسه نازله
من التاكس .. ورايحه على الفرح خلاص اهو.. وفجأه..تلاقى واحد ابن حلال
يعدى بالعربيه جنبك.وبسرعه..ولحظك الجميل تكون فيه بركة ميه يدوس عليها
عشان تغرقك تماما .. شعورك ح يكون ايه.. و ح تتصرفى ازاى يا حووووووورام

الموقف
الرابع:ربنا اكرمك.. وكسبتى عشر الاف جنيه..وعزمتى اصحابك عند أغلى مطعم
كباب..وبعد ما أكلتو وانبسطو .. وحليتو كمان.. الحساب جه.. يعنى حوالى كده
300 جنيه.. وبتدورى على الفلوس .. اتاريكى نستيها..شعورك ح يكون ايه وسط
اصحابك.. وح تتصرفى ازاى

الموقف الخامس:مروحه بالليل بس المره
دى الانوار كلها ملعلعه.. ولسه داخله على البوابه.. لاقيتى واحد قاعد على
السلم ومبرق ليكى عنيه.. وسادد الطريق قدامك وعايزه تتطلعى...وتنادى فيه
مهما تنادى..والراجل بجم مش بيحس..بعد بقى ما حاولتى معاه بكل الطرق
السلميه والغير سلميه..رحتى هاجمه عليه.. وزقتيه عشان تتطلعى.. اول ما
لمستيه.. لاقتيه انكفا على وشه.. وفيه سكينه مغروزه فى ضهره...شعورك
ساعتها ح يكون ايه.. وح تتصرفى ازاى

الموقف السادس:رايحه وسط
البلد تقضى مشوار.. وراكبه تاكسى..وفجأه لاقيتى السواق متجه بيكى بسرعه
على طريق مختلف.. وبتقوليله دا مش طريقى.. وهو ولا سامعك.. شعورك ح يكون
ايه .. وتتصرفى ازاى..((موقف صعب اوى بس ممكن اى حد يتحط فيه)))

الموقف
السابع:مسافره القاهره فى القطار درجه اولى تكييف...كنتى تعبانه اوى
اوى...راحت عليكى نومه خاصه ان القطر دافى .. وكل اما كمسارى يشوفك وانتى
نايمه تصعبى عليه ويسيبك نايمه.. وفجأه تصحى .. تلاقى نفسك فى اسيوط..
شعورك ح يكون ايه .. وحتتصرفى ازاى