المصري ده ماغ آه وربنا زي ما بقولك كده

من طرف **ahmed abd allah** الجمعة يونيو 12, 2009 3:33 pm

مساء الخير عليكو بتعرف تتكلم عربى كويس بتعرف هيروغليفى يبقى انت مصرى اكيد هههههههههههه تعالى شوف :

الشعب المصرى هو الشعب الوحيد الذى يتكلم لغه غريبة

لايتكلمها شعب آخر حتى من الشعوب المجاوره

طبعا مش اللغه العربيه أمال أيه ياعمو..؟؟

اللغه الهيروغليفيه

أيوا و خد عندك

عمركو سمعتو حد بيهدد عياله ( بالبعبع )..غير عندنا فى مصر

أو أم نازله ضرب فى أبنها وتقول له ( كخ )

غير عندنا فى مصر

طب أيه رأيكو أن الكلام ده أصله هيروغليفى

كلمه ( بعبع ) أصلها كلمه ( بوبو ) وهو أسم عفريت مصرى قديم كانو قدماء المصريين يستخدموه لتخويف العيال

أما كلمه ( كخ ) فهى كلمه هيروغليفيه معناها

( القذاره ) ..؟؟؟

حتى العيال عندنا بيتكلموا هيرو غليفى الواد

لما يجوع يقول ( مم ) أو ( نم )

بمعنى أكل ولما يعطش يقول ( أمبو )

وأصلها ( أمبموا ) يعنى ( أشرب )

والعيل عندنا وهو بيتعلم المشى بيقولوا له

( تاتا خطى العتبه.. تاتا..حبه حبه )

و ( تاتا ) كلمه هيروغيليغيه ومعناها ( أمشى )

وياسلام لما الدنيا تمطر فى الشتا والكل يغنى ويقول

( يامطره رخى رخى على قرعه بنت أختى )

( رخى ) أصلها ( رخ ) ومعناها ( نزل )

وفى الصيف لما نتشوى من الحر نقول الدنيا

بقت سخنة و ( سخنة ) بالهيروغليفى معناها ( نار )

ويامحلا الهيروغليفى فى أكلنا....فالفول عندما يستوى

نقول عليه ( مدمس ) وأصلها ( متمس ) عند قدماء المصريين ومعناها

( تسويه الفول ) ياخرابى..؟؟

دا الموضوع طلع له جذور تاريخيه يالهوى يادى الفضيحه يالهوى

أما كلمه ( بصاره ) فأصلها ( بيصورو ) ومعناها

( الفول المطبوخ ) هى هى بريحتها وتقليتهاولونها

مدد ..مدد ياعم تحتمس مدد

عزيزى القارىء بعد هذه الدراسه من التاريخ المقارن للغات

أوعى تخلى واحد يتأرنح عليك

ويقول لك أنا عندى لغات قول له تعرف

( هيروغليفى ) ..هيقول لك لأ..قول له

( كخ ) ياحبيبى روح أتعلم لغات الأول وبعدين كلمنى

من طرف loza الجمعة يونيو 12, 2009 6:14 pm

موضوع جميل جدااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا وشكرا عليه

المصري ده ماغ آه وربنا زي ما بقولك كده

المصري ده ماغ آه وربنا زي ما بقولك كده

رد: المصري ده ماغ آه وربنا زي ما بقولك كده