اختبر نفسك في قصيدة أواخر الشتا للشاعرة اليسا ابو ماضي

أختبر نفسك في قصيدة (أواخر الشتا ) للشاعرة إليسا أبو ماضي



كنا في أواخر الشتا قبل اللي فات زي اليومين دول عشنا مع بعض حكايات

أنا كنت لما أحب أتونس معاه أنا كنت باخد بعضي وأرحله من سكات

أجب عن الأسئلة التالية:

1- علام يدل التعبير بصيغة الماضي ؟ ولماذا أختصت الشاعرة الشتا قبل الي فات؟



2- في أي من فصول السنة كتبت هذة القصيدة مستدلا على ماتقول؟



3- أيهما أفضل (أنا كنت باخد بعضي ) أم ( أنا كنت باخد تكسي) ولماذا؟



4- اختر الاجابة الصحيحة مما بين القوسين:



( زي اليومين ) مجاز مرسل علاقتة ) الكلية – المدرسة – الحضانة )







والناس في عز البرد يجر ويستخبو وأنا كنت بأجري وأخبي نفسي قوام في قلبة

ولحد لما الليل يليل بابقى جنبه وأفضل في عز البرد وياه بالساعات



أجب عن الأسئلة التالية:

1- هات من الأبيات مضاد النهار وكلمة تأدي معنى ( معاه)

2- يرى بعض النقاد أن تكرار ( في عز البرد ) أضعف المعنى . وضح ذلك مبينا رأيك

3- إلى أي مدرسة شعرية تنتمي الشاعرة ؟ وما أهم سماتها ؟ ( بدون غلط)

4- هل ترى أن هناك علاقة بين ( عز البرد ) و( عز الدخيلة) ؟ أم أنه تشابه أسماء؟



على سهوى ليه الدنيا بعد ماعشمتنا وعيشتنا شوية رجعت موتتنا

والدنيا من يوميها ياقلبي عودتنا لما بتدي حاجات قوام تاخد حاجات



أجب عن الأسئلة التالية:

1- (عيشتنا – موتتنا ) تفيد ( التضاد – التأكيد – الحيرة في ‘تخاذ القرار)

2- كلمة تؤدي معنى ( شوية ) ( حفان – قيمة مقطف)

3- المقصود ب( يوميها ) في الأبيات ( يوم المعركة – يوم الخناقة – يوم الكرامة)

4- أيهما أفضل ( ياقلبي ) أم ( يانضري )؟ ولماذا

5- يتضح من الأبيات أن ( الدنيا مالهاش أمان .. خالص) وضح ذلك مستدلا على ماتقول

6- استخرج من الأبيات مايدل على:

- عشمني بالمحبة وشعلقني بالهوا حايلته حبة حبة زودها واتلوى.

- زقلطني الحب زقلوط نمت في بنها صحيت في أسيوط



وسط الشوارع ناس كتيرة مروحين والناس ياقلبي هما هما وهو فين

وأنا ماشية باتلفت وبأسأل كل يوم بيعمل إية دلوقتي وبيحلم بمين



أجب عن الأسئلة التالية:

1- يتضح في الأبيات الشوق واللهفة وتطلع الشاعرة لرؤية ( اسم النبي حارسه) اشرح

2- يؤخذ على الشاعرة ( وأنا ماشية باتلفت) . وضح ذلك مبينا مدى التعارض مع قواعد المرور

3- (........................) حذف من قبل الرقابة.





أتمنى لكم النجاح مدرس المادة .

سيكا-ويكا

الغش حرااااام ياجماعة
وانا بأعلن ان الاسئلة من المنهج
انتو بس اللي مش مزاكرين
سيكا-ويكا

.

اجابة السؤال رقم 1
يدل الماضى على الشتا اللى فات مش الشتا بتاع السنة دى
واختصت الشتا قبل اللى فات لانه كان مقاربا للشتا بتاع اليومين دول وهذا يدل على خبرة الشاعرة اليسا بالارصاد الجوية

اجابة السؤال رقم 2
فى اواخر سبتمبر لان الشتا بيكون فى اخر سبتمبر واليوم 32 سبتمبر

اجابة السؤال رقم 3

انا كنت باخد تاكسى لان التاكسى اسرع


اجابة السؤال رقم 4

علاقته الحضانة لان فى الحضانة تدل على براءة الطفل فى اليومين دول



اجابة الاسئلة التالية

1- مضاد النهار الصبح وهذا بناء على ارصاد جوية والكلمة التى تؤدى المعنى وياه او with him

2-نعم التكرار اضعف المعنى كان من المفروض ان تقول فى عز الحر ليدل على سخونة الموقف ولكن ممكن يكون لاليسا راى اخر لانها خبيرة ارصاد جوية

3-مدرسة ابللو ومن سماتها
1-القدرة على وصف المشاعر الداخلية
2- الخبرة بالارصاد الجوية
3- القدرة على ممارسة الرياضة فى عز البرد
4- مدرسة تخرج بنات زى العسل مثل الشاعرة اليسا


4-عز البرد تبع الارصاد الجوية
عز الدخيلة صالة حديد
وارى انه تشابه اسماء


اجابة الاسئلة التالية رقم 2
1- تدل على الحيرة فى اتخاذ القرار لان لكل اجل كتاب
2- قيمة مقطف حجمه متوسط 60 فتلة فى العقدة
3-يوم الكرامة حيث انتصى المصريون فى حرب 1973 حرب اكتوبر المجيدة
4-يا قلبى افضل لانة مكان الحساس
5-الدنيا غدارة لانها يوم ليك ويوم عليك والدليل انا وانا ماشى مرة فى الدنيا دى قابلتنى واحدة اتعرفت عليها دى كدة الدنيا معاك وانا ماشى برده فى الدنيا دى اتكعبلت فى طوبة كدة الدنيا عليك فلذالك ملهاش امان

6-
-بعد ما عشمتنا رجعت موتتنا
-عيشتنا شوية
- والدنيا من يوميها ياقلبي عودتنا

اجابة الاسئلة التاليه رقم 3
1-حيث انها لابسة بنطلون جينس وهذا يدل على مدى تلهفها لرؤيته وسايبة شعرها وطلعت فى عز البرد ورغم ان الجو برد قلبها مشتعل متلهف لرؤية اسم النبى حارسه
2- ماشية بتتلفت يدل على انها خايفة من حاجة ممكن تكون بتسرق ويتعارض هذا مع قواعد المرور لانها ممكن وهى بتتلفت تخبط فى عربية والعربية تبوظ وهذه خسارة على الدولة

3- المحذوف من الرقابة ان هى اتكعبلت وهى ماشية وهى بتتلفت





اتمنى لى التوفيق وارجو وضع الدرجة يا استاذ سيد

رافو عليك انت نجحت بنسبة 80 في المية

حرام انا تعبت فى الاجابات محدش جاوب غيرى اقرا الاجابات كويس مش هرضى باقل من 100 فى 100

عليش
انا استاذ غلس محدش بياخد اكتر من 80
علشان انا كدة
ولو مش عاجبك انا هشيلك الماده دي

لا خلاص 80 80 دى احلى درجة شكرا يا استاذ سيد